غاضاب خۇشالارئ رُمانئندان بیر صاخنا
پایگاه خبری اولکامیز – ترجیمهچی : آنادوردئ عنصری
( غاضاب خۇشالارئ ) رمانئ جان استنبکینگ اینگ گؤرنۆکلی اثری دیییپ دۆشۆنیلیأر. ( تامجاد ) رمانئنگ باشغاهرئمانئ. اۇل دؤرت یئل توسساغ دا اۇتورئپ ایندی خالاص بۇلان. تامجاد آتاسئ اؤیۆنی ائزارلاپ تاپیار. آتاسئ بیلن دیدارلاشیار. انهسینی سۇرایار. آتاسئ اۇنگا انهسینی دویدانسئز گؤرمِگینی ماصلاحات بریأر. شو ماصلاحات بیلن آتاسئ ، انأ دویدورمان ; مئهمان آلارمئنگ ? بیر اؤتِرمن کیشی ارتیرلیک اییمک اۆچین غاپا گلیپدور دیییپ انأنی آلداغا سالیار. زات دان خابارسئز آشخانادا ارتیرلیک طاغامئنئ تاییارلاپ دوران انه ; گلیبرسین دییپ روغصات ادیأر.
جان استنبک ( دیدارلاشما صاخنا دا ) اؤیۆنگ انهسینی چپرچیلیک بیلن واصپ ادیأر. یازئجئ انأنینگ بلند شاخصئیتینینگ اهلی طاراپلارئنئ اوسسادلئق بیلن تصویرلندیریأر. اۇنونگ مهریبانلئغئنئ ، ائنامدارلئغئنئ ، ماشغالا حاقئندا جانپیدالئغئنئ ، زحمتسؤیرلیگینی ، ارجل هم هامراقلئغئنئ و شِیله أگیرت صئپاتلارئ جملأپ اۇنئ خۇجالئغئنگ بیر ( الهه ) سی حؤکمۆنده کؤرکزیشی حاقیقاتدانام استنبکینگ ماشغالادا و جمغئیتچیلیک ده زنان اۇرنونئ بلند دن بلند توتیاندئغئنئنگ شایادئ بۇلوپ دوریار. دۇغرودانام دۇغوملئ عایال ماشغالا لار اؤیۆنگ.و خۇجالئغئنگ میزهمز اؤرهسی و سارسماز غالاسئ حؤکمۆنده رۇل اۇیناپدئرلار.
گلینگ ایندی رمانئنگ ( دیدارلاشما صاخنا ) سئنئنگ پارس ترجیمهسیندن تۆرکمن دیلینه آیلاندئرئلان بؤلِگینی بیلهلیکده اۇقاپ گؤرهلی. بو غئسغاچا و اؤرأن تآثیر غالدئرئجئ صاخنانگ ترجیمهسینی اهلی تۆرکمن زنانلار اؤچین هؤدۆرلهیأن.
دأدهسی ایچری گیریپ غاپئنگ آغزئنئ آچئپ غۇیدئ. تام بۇلسا انهسینی گؤرجک بۇلوپ یۇینونئ اوزاتدئ. انهسی دۇنگوز اتینینگ دۆیرلهنن دۇغرامچالارئنئ یاغلاوئنگ ایچیندن آلئپ دوردئ. اۇجاغئنگ اۆستۆنده بۆلکأ منگزش چؤرکلردن دۇلوپ دوران غاپاغئ آچئق یاغلاو گؤرۆنیأردی. عایال غاپا طاراپ سر سالدئ. یؤنه تامئنگ ینگسهسیندأکی گۆنشینگ چئرازئ سبأپلی دینگه بیر غارا پئیادا گؤرۆنیأردی. عایال غانگرئلئپ مهیرلی سس بیلن : ( گلیبرینگ ! ماززالئ بو گۆن چؤرک کأن اتدیم. ) دییدی.
تام سر سالئپ دوردئ. انهسی دۇغوملئ گؤرۆنیأردی. ایشلهمکدن و حامیلالئقدان یانگا گؤورهسی یومرالان یالئدئ ولی سمیز دألدی. بیر زامانلار یۆزۆنه گۆل پتده ناغئشلانان سالپانگ -ساجانگ اوزئن غۇنگراس بیر کؤینک اگنینده دی. اما ایندی سال – سال بۇلان کؤینهگینگ ایرنگک پتی اؤچۆپ گۆللری هم سۆللهریپدی. کؤینک تۇپوغنا دنگچ یتیأردی. یالانگاچ و یۇغناس دایاو آیاقلارئ یر یۆزۆنده امای بیلن چالت آنگرئ – بأری گیدیأردی. رنگکی سۇلان سلچنگ ساچلارئنئ ینگسهسینده یئغناپ بۇغوپدئ. اتلک و چئپار غۇللارئ تیرسگینه چنلی یالانگاچدئ.
سمیز و یومشاق اللری بیر غئزئنگ سمیز و اتلک اللرینه اۇغشایاردئ. انه گۆنشینگ چئرازئنا سر ادیپ دوردئ. کشبی شئپانگ بۇلماسا – دا ارجل و مهریبان گؤرۆنیأردی. غۇیون گؤزلری دیییهرسینگ کی دورموشئنگ اهلی درد دیر اۆنجۆلرینی سئناغدان گچیریپ آغئ دئر غئناغ و قئنچئلئقلارئنگ باسغانچاغئندان دپأ چئقئپ ، هألی ، بیر بلند اۇرون و ائنسانپرورلیک دۆشۆنجأ الگرِنه چالئم ادیأردی. دیییهرسینگ کی ماشغالا برکیتمهسینده — غۇلا سالئپ بۇلماجاق بو غالا دا –اؤز اۇرنونا عاقلئ یتیپ بۇیون آلانا چالئم ادیأردی.
غالئبرسه – ده ماشغالا دورموشدا ( غاررئ تام ) و چاغالار هر هیلی اربت یاغدایلار دوش گلنده دینگه عایالا گؤز دیکِنسۇنگلار شِیله یاراماز واقالارا اوچورانلارئندا اۇل عاداتئنگ اۆسسی بیلن بو هیلی شۇوسوزلئقلارا غارشئ بۇیون تۇولاردئ ، دالاشاردئ. هر بیر شادلئقلئ واقئغالاردا – دا شیله دی. اهلی ماشغالا بۇلوپ دینگه عایالئنگ یۆزۆنه باقار دوراردئلار. خۇشاللئغئ شۇنونگ کشبیندن گؤزلأردیلر. اۇنونگ اؤزی هم انتهجیک بیر اهمییتسیز زاتلارا گۆلر دوراردئ. اما شادلئقلئ غئلئغئندان داشغارئ اۇنداقئ بار بۇلان سئپایئچئلئق و سۇووقغانلئلئق حأصییتی دی. ماشغالا ایچینده اۇنونگ اولئ و دگرلی اۇرونئ اۇنگا بیر یاراشئقلئلئق همم یؤنهکِیجه اۇوادانلئق بریأردی
شِیله بیر شئپابریجیلیک و اوغورتاپئجئلئق حأصییت آرقالئ الگرن وظیپهسی سبأبلی اللری هم ائنامبریجی ، ائنجالئقلئ و اومئتبریجی گؤرۆنیأردی. اۇل ماشغالانگ امینی حؤکمۆنده بیر الهه کیمین مۆینسۆز هم اِلیِتردن اوزاق گؤرۆنیأردی. اۇل هر هاچان بیردنکأ آلئپباران وظیپهسینده یایدانجئراپ سأگینأیسه همم یۆرکدن ناموت بۇلوپ ایکیرجینگلیک گؤرکزأیسه ماشغالا بیرلیگینینگ گۆیجی غۇوشاپ دورقئ دارغاجاغئنا ائنانیاردئ. گؤنش ده دوران غارا پئیادا: طاراپ گؤزۆنی آیلادئ. دأدهسی بیر یانگاراق دوردئ. نأمه دیر بیر زات اۇنئ هِیجانا سالیاردئ. عایال : ( گلیبرینگ ، گلیبرینگ آغا ) دیییهن ده ، تام نأی – نأمه چکینجنگلیک بیلن بۇساغادان أتلأپ ایچری گیردی …..
________
ترجیمه ادیلدی : خوشههای خشم. جان استنبک. ترجمه : عبدالحسین شریفیان. انتشارات نگاه. ۱۴۰۰ صص ۱۱۴ – ۱۱۵
www.ulkamiz.ir
