شعری از مریم زمانی
پایگاه خبری اولکامیز – شعر ذیل یکی از سروده های شاعر ترکمن، مریم زمانی ( گۆیزۆنگ غئزئ ) است.
انه دیلیم بارلئغئم
بۇیوم یردن بیر غارئش غالئپمئدئ غالماندئم
انه دیله اوتانئپ اؤیده غۇیوپ آلماندئم
اؤز دیلیمی بیلسِم-ده پارسچا دیله سؤزلأردیم
مکدبدن ساپاق آلئپ اؤز دیلیمی گیزلأردیم
بیر گۆن دییدی گلمیشک من گلأیین تۇینگوزا
چادئرلاردان ییگرندیم گلیپ گیرِیین اؤینگۆزه
بیر گۆن دألده هر گۆنده گؤرسه بیزی خۇشدولار
چادئرلارئنئ یئغناپ گلیپ بیزه گؤچدۆلر
دۆرلی-دۆرلی میوهلر بیشیپدی باغئمئزدا
تۆرکمن اییمیت سۆیجی دییپ بیشیردی یاغئمئزدا
سۆیجی-سۆیجی سؤزلری آلئپ -یۇلوپ باراردئ
سۇنگرا بیر ایش تاپئپ-دا گؤچۆپ گیتمه قاراردئ
ایکی یئلئ دۇلسا-دا قارارلارئن اؤوۆردی
بیر گۆن گؤردۆم دأدهسی باغدا آغاچ دؤوردی
یۇرتوپ دییدیم دأدهجان شاتوتومئز یئقئلدئ
گلمیشکلنگ قاقاسئ باشوجوندا دیکیلدی
قاقام گلیپ دیییپدی شاتوتئ سن غۇپاردئنگ
کأش بو ایشی اتمأنی غولاغئما یاپاردئنگ
یۆزی غاتئ مئهمانئنگ الینده بار پالتاسئ
ینه آغاچ کسجکمیش گؤیأ دۇلمان هالتاسئ
آغاجئ کؤکدن یۇلوپ اؤزۆنه اؤی دیکجکمیش
بو ایشلری ادیپ-ده هایسئ یرده بوقجاقمئش
قاقام گیتدی یانئنا دیم-دیک دوروپ باشئنا
دانگدئ اۇنونگ الینی طاناب اۇراپ داشئنا
غانئ جۇشوپ شی دییدی موندان غۇپوپ گیت ایندی
پاتئ-پوتئنگئ یئغناپ گؤچۆپ گؤزدن ییت ایندی
منینگ یوردوم -ایلیمه گؤز دیکیأنلر دوشماندئر
ساتمان آصلا یوردومئ اؤنگ ساتانلار پوشماندئر
اۇلار گؤچۆپ گیتسهلر یوردوم بۇلار پاراخات
اجهم بۇلار آسودا یاتئپ-توراردا راحات
مهره بسلهنن اجهم منی گؤرۆپ آغلاردئ
اؤزگه دأبدن داش غاچئپ الیم-غۇلوم باغلاردئ
آیداردئ زینگ بۇلیزی تۆرکمنینگ آبرایئ سن
آبرایئنگا برک یاپئش گهیین دارایئنئ سن
دۇغانئم -دا غۇچ ییگیت دییدی مانگا باللئ جان
غادرئنگئ بیلگین گۆلۆم ، اؤزۆنگه بۇل پاسئبان
انه دیله گپله سن خار اتمهگین اؤزۆنگی
اگینباشئنگئ غۇرا دینگله منینگ سؤزۆمی
بیلمهسنگ اؤز غئمماتئنگ تؤوهرکدن دگر اۇق
انه دیلینگ سایراسئن یۇغسا سنی تانان یۇق
آیتمان اؤورنمه دیییپ اؤورن اؤزگه دیللری
سانگا دیل یتیرجکلنگ بۆکۆلسینله بیللری
ییتمهسین انه دیلیم اۆیشۆپ غۇراماق گرک
غئلئجئنگ کسگین دیلینگ غۇراماسانگ بیدرک
سۇغورسالار دامارئ آغزئ بیرجه یاشالئنگ
آرقا بۇلوپ تۆرکمنه داغلاردان-داغ آشالئنگ
سۇنگرا بیراز اۇیلانئپ دییدیم حاقدئر غارداشئم
ایلکی باشدا دیلیمی آلئپدئ یاد بۇیداشئم
گلیپ گیردی اؤیمۆزه مانگا بریپ اگینباش
یالان سؤزه آلدانئپ اؤز دیلیمدن بۇلدوم داش
ساچاغمئزدا اۇتورئپ چؤرۆگمیزدن دؤودۆلر
اۇقارادا آش ایییپ غازانئمئز چؤودۆلر
اگینباشئم چاشئردئم ناغئش کؤینک گیینیپ
قاقام داقان آدئنا بویساندئ غئزئم دیییپ
بیزدن اۇلار گؤچدۆلر آنگئردا مسگن توتوپ
کؤپ یورتلارئ آلدئلار دیل بیلن ایلیم اوتوپ
بو حکایا غوتاردئ غولاق سالئنگ ایللریم
گلمیشکلر کؤپلدی ییتیپ باریار دیللریم
کؤپ یرلری آلدئلار آلماسئنلار آدئمئز
اۇتورما یر غالماسا کیمه دییجک دادئمئز
www.ulkamiz.ir
