پایگاه خبری اولکامیز – سبحان سالاری نیا فعال فرهنگی – ادبی از شهر تربت جام است که با فعالین ترکمن صحرا مراودات نزدیکی دارد. به بهانه فر رسیدن بهار از وی خواستیم تا احساسات و دغدغه هایش را در باره زیباترین فصل سال و سال نو بنویسد. یادداشت ازسالی سبحان سالاری که به زبان ترکمنی است در پی می آید :
اوچ آئ غارا غئشئ ینگسأ آتئپ، سوووقدان_ دونگاقچئلئقدان سایلانئپ طبیغاتئنگ خوش یوزونی، شاهئرانا پورصات لارئنئ یر یوزوندأکی أهلی جاندارلاردئر، بی جان لارا تأزه دن بیر اؤزگریش بریشی یالئ، آدام لارادا بیر انایئ دویغی حالات لارئ پیدا بولوپ دوروبریأر.
ادیل یوقاردا دانا پئراغئ آتامئزئنگ آیدئشئ یالئ نووروز گلمه گی بیلن جاهاندا دورلی رنگک لر پیدا بولیار. دییمک دینگه طبیغات اؤزگرمأن، بلکی ده آدام لارئنگ روحئ و جیسمی یاغدایئندادا اؤزگریش لر یوزه چئقیان یالئ بولیار. روح و جیسمی یاغدائ اؤزگرسه، البتده آدامزادئنگ آنگئنا، پیکرینه ده تأثیر غویمان دورمایانا منگزه یأر.
نووروز گلمه گی بیلن، غئش پاصلئ بیز بیلن خوشلاشئپ، بوساغادا دوران باهار پاصلئنا گزک بریآر، طبیغات اؤز یاشئل دونونی گیدیریپ، بوتین جاندارلارا شادلئق_ شووخون پایلاپ باشلایار. بوتین آدام لارئنگ ایچکی دونیأسئندا اولئ بیر بگنچ دویغئ پیدا بولوپ دوریأر.
بییک تورکمن میللتیمیز یر یوزوندأکی خالق لارئنگ اینگ غادئمئ لارئنئنگ بیری بولانئ سبأبلی اؤزونه ماخصوص بولان عورپ_ عادات لارئ, دأپ_ دسسورلاردئر، ائنانچ لارا ایه بولوپ دور. شول ائنانچ دئر دأپ لری نئنگ آراسئندادا نووروز و تأزه یئل حاقئندادا بیر گیدن عاجایئپ رسم لره ایه دیر.
نووروز گلمه گی بیلن آتا_ بابالارئمئز و انه_ مامالارئمئز اولئ دابارالار بیلن نووروزی غارشئ آلئپدئرلار. اولار اود یاقئپ. داشئنا آیلانئپ. الله تعالئ نئنگ غودراتئنا شوکور ادیپدیرلر. انه لریمیز پیشمه بیشیریپ، سؤمه لک_ سمنی بیشیریپ دابئنا گؤرأ آزئندان یدی اؤیه دادئرئپ، رئسغالئنگ یتمیش اسسه کؤپه لرمیش دیین ائرئمه ایه ریپ، اولئ بایرامچئلئق لار توتوپدئرلار.
چاغالار، یاش غئز_ گلین لریمیز ساللانچاق غورناپ شادلئق ادیپدیرلر.
باهاردا و نووروز گون لرینده دونیأ اینیأن چاغالارا « باهار » و « نووروز » دیییپ آد داقئپ، اولارا عؤمور بویئ شادلئق بیلن، باغتلئ یاشاماق لارئنئ آرزوو ادیپدیرلر.
تأزه یئلدا قووم_ غارئنداش لار بولوپ. یاشولئ لار، انه_ آتالارا اولئ حورمات غویوپ، اولاردان یاغشئ دیلگ و آرزووئنئ آلماقلئغئ اؤزلرینه اولئ ثوغاپ دیییپ حاساب ادیپدیرلر. نووروز گلمگی بیلن اؤیکه_ کینه لی آدام لار اونئ اونودیپ، یاراشان آدام لارئ الله یالقارمئش دیین ائناما ایه ریپ. اؤیکه و ییگرنچ ساقلان آدامدان برکت گیدرمیش دیییپ حاساب ادیپدیرلر.
آدام لار غوش لار یالئ سایراپ. غوش لار بولسا آدام لارا منگزأپ سؤزلأن یالئ شادلئق بیلن سایراپ دوروپدیرلار.
گلجک تأزه ۱۴۰۰_نجی یئل تورکمن موچه حاسابئندان سئغئر یئلئ دئر.
تورکمن لر آراسئنداقئ ائناما گؤرآ سئغئر دیین حایوانئ یدی سان بایلئغئنگ ایچینده حاساب ادیپدیرلر. همده شو سئغئر یئلئ ائغاللئ، یاغئنلئ، برکتلی ، حاصئللئ یئل بولارمئش دیییپ ائنام بیلن اومید ادیپدیرلر.
سؤزومینگ آخئرئندا تآزه یئلئنگ بوتین آدامزادا، خاصدا ایران یوردیمیزه، الائتادا تورکمن ایلیمیزه تویس یورکدن غوتلاپ، گلجک یئلئنگ، دوشوملئ، دئنچلئقلئ، شووخونلئ، کسل لرینگ داشلاشماغئ، بولچوولئقلئ، شادیان یئل بولوپ دورماغئنئ بییک بیری بار درگاهئندان دیلگ ادیأس..
تورکمن ده اون ایکی سان حایوان آدئ بیلن موچه حاساب بولوپدیر. اونگا بیر غووئ غوشغی غوشولیپدیر :
۱_ « سئچان » بیر گون توئ اتدی،
۲_ « سئغئر » غوتلاپ گورلدی.
۳_ « بارس » بأرسینه باقاندا،
۴_ « تووشان » غورقوپ درلدی.
۵_ « بالئق » گورلآپ بولانسونگ،
۶_ « یئلان » آلدئ گزه گی.
۷_ « یئلقئ » دییدی مأره کأ،
۸_ « غویون » تویونگ بزه گی.
۹_ « بیجین » بؤکوپ تانس اتدی،
۱۰_ « توووق » ایته اومله دی.
۱۱_ « ایت » گورله جک بولاندا،
۱۲_ « دونگوز تویئ جمله دی.
🌿🌿🌿🌿🌿
۱۴۰۰_ نجی یئل « سئغئر » یئلئ رئسغاللئ، برکتلی، دوشوملی یئل. بولماق آرزووئ بیلن
www.ulkamiz.ir
