پولاد صوفی زاده نگ غوشغی لاری حقیندا

پایگاه خبری اولکامیز – یدالله صحنه: غۇشغولارئ، آمانگلدی آمانئنگ روباغئ‌لارنئنگ ایسینی بریأر.
– اۇوادان-اۇوادن صونغات‌لاردان حایئرلانئپدئر(کنایه، ناقئلا منگزش سؤزلر دؤره‌دیپدیر. تشببه. تشخیص. ایهام و… )
– غۇوئ-غۇوئ دویغولارئ بار.
– بیر آز تالاش ادسه، کؤپ شاهئرلادان اؤنگه چئقاردئ.
– کأسی غۇشغولارئ روباغئ کأسی-ده قطعه (روباغئ دأل)
– بۇغون بؤلۆم‌لرنینگ آغساقلایان یرلری بار (مثلن ۴+۴+۳ بۇلوپ باریاقا بیردن ۶+۵ بۇلیار. کأسی غۇشغوسئندا بیر سطیری ۶+۵ بۇلسا سۇنگرانقئ ۶+۵دن چئقئپ نه ۴+۴+۳ بۇلیار نه-ده ۶+۵ شۇنگ اۆچین کأ غۇشغولارنئنگ هنگی دۆز دأل و ساقئندئریار)
مثلن شو روباغئدا:
کتاب لار، سمره یأر اوقالدیغی چا
دوقمالار، سیقی لار دوقالدیغی چا
سافاق آلسا، دورموشیندان آدامزاد
سازلاشیب برکی یر، ییقیلدیغی چا

ایلکینجی، ایکینلنجی و دؤردۆلنجی ۶+۵ یؤنه اۆچۆنجی سطیری ۴+۴+۳ بؤلۆنیأر و ۶+۵ بؤلۆنیپ بیلمه‌یأر. و باشغالار-دا ۴+۴+۳ بؤلۆنمه‌یأر.
پولادآغا شو مسلأنی-ده گؤز اؤنگۆنه آلسا غۇشغوسئندا کلام‌لارنئنگ رۇوانلئغئ و هنگی گۆیچ آلار اؤیدیأرین.
غۇشغودا ایلکی سطیر نأهیلی بؤلۆمی بۇلسا غالانئ-دا شیله بۇلمالئ.

تۆرکمن‌ شاهئرلانگ ایچینده وزن و قاپئیا کأن دئقغاتلانمایارلار، شۇلارئ اۆلگۆن توتمالئ دأل. حتی ماغتئمغولئ-دا یالنگئشان بۇلسا، آی ماغتئمغولئ‌دا-دا بار آخئر دیییپ، شۇنگ غاپدالئندان سادا گچمه‌لی دأل.

– کأ یرده قاپئیالارنئنگ آغساقلایان یرلری بار. مثلن شو غۇشغوسئ:

بیلرسینگ می، بیلمرسینگمی،بیلمه یأن
دونیأده کأن، بیلیأن لردن بیلمه یأن
اؤزگه لره باغیت دونینی بیچر
اؤز باشینی اؤزی چاراب بیلمه یأن

بیلمه‌یأن سؤزی قاپئیا آلئپدئر. اۆچۆسی-ده منگزش و مانئ‌لارئ-دا پارخ ادمه‌یأر.
یۇغسا شۇ غۇشغوئنگ آیدمانا کپی بار.
باشغا غۇشغولارئنئنگ کأسینده شیله مۆشگۆل بار.

– غۇشغودا الایتادا روباغئ قالئپدا (هم موسیقی‌دا و هم پیکیر‌ده) ضربه‌ی نهایب بیر مؤهۆم مسله. روباغئ‌دا بار گۆیجۆنگی آخئرقئ سطیره غۇیمالئ. غئنانج بیلن کأ غۇشغولارئندا ضربه‌ی نهایی‌نی اوروپ بیلمأندیر.

شو غۇشغوسئ بتر گۆیچلی، کأشکی بارئ شیله‌ بۇلسادئ.👇

سؤزونگ دینگلنمسه، کپلنمز میشین
گؤوهره پوسلی میس، سپلنمز میشین
اود آستیندا جیداب دؤنمه یان پولاد
دؤولر میشین امما، اپلنمز میشین

– شو غۇشغودا هم بؤلۆمی دۇغرئ ۶+۵ هم-ده ۴+۴+۳ ده بؤلۆپ بۇلیار.
– قاپئیالار آراسساجا گلیپدیر: کپلنمز. سپلنمز. اپلنمز
– پولاد سؤزده ایهام بار، هم شاهئرئنگ آدئ هم-ده فولاد مانئدا گلیپدیر.
– بو غۇشغئ بۇیدان باشا ناقئلا منگزه‌یأر.
– اۇوادن کنایاسئ بار: دؤنمک، دؤوۆلمک و اپلنمک
– بیرینجی و ایکینجی سطیرده واج‌آرایی صونغاتئ بار.(س سسلمی)
– ایلکی بیت‌ده تشبیه تمثیل صونغاتئ بار.
– ایچینده غۇوئ پیکیر بار: پیکیرنه مأکأم آدام، هر هیلی عاذاب چکسه-ده(اؤلسه‌-ده)، بیر پیس آدامئنگ یانئندا اپلنیپ اؤز هیزّتینی غاچئرماز.

www.ulkamiz.ir