پایگاه خبری اولکامیز – تاییارلان: حاج قاقابای ارزانی / آلینان چشمه لر غاراغوم ژورنالی : تؤره بگ خانیمینگ آرامگأهی دییلیب آتلاندیریلیان عمارات اورگنجینگ خارابا چیلیغینینگ دمرغازیق چتینده یرلشیأر. عمارات اؤزونینگ تاقیق دنگاغاراملیلیغی، یوقاری چپرچیلیک و اوسسادلیق بیلن اؤرولیب چیقاریلماغی، بزگلرینینگ نفیس و کؤب اؤووشگینلیلیگی بیلن مرکزی آزیادا دینگی..تایی بولمادیق بینا حاساب إدیلیأر.
ایلات آراسیندا آرامگأهینگ تؤره بگ خانیمینگ آدی بیلن باغلانیشیقلی رووایات دؤرأبدیر. شول رووایاتا گؤرأ، شا غیزی تؤره بگ آتاسی اؤلندن سونگ، دورموشا چیقمان اوتوریبدیر. یوردونگ یاشولولاری پاتیشا غیزا دورموشا چیقماغی اوندأبدیرلر. تؤره بگ اؤرأن غاضابلی بولمانی اوچین کئم اونگا آیتماغا مئلت إتمأندیر.
اینگ سونگوندا اصلی غول بولان بیر بئناگأر اوسسا إگر اول عألمده یوق بئنا غوروب برسه، اونگا دورموشا چشقجاقدیغینی آیدیبدیر. اوسسا اونونگ گؤونوندن تورار یالی عمارت بئنا إدیبدیر. یونه شا غیزی سؤزوندن دأنیب، شول بئنانینگ اوستوندن یره بؤکمه گی بویروب، إگردیری غالسا، دورموشا چیقجاقدیغینی آیدیبدیر.
شدیب اوسسا آرادان چیقیبدیر. اوسسانی بئنا إدن عماراتینینگ یرزمینینده جایلابدیرلار، اول یرده تؤره بگ خانیم اوچین هم اورون غویوبدیرلار. اول اؤلندن سونگ اوسسا غولونگ یانیندا جایلانیبدیر. آرامگأهینگ غاپیسینینگ اوستی دورلی رنگکلی سئرچالی ناغیشلار و آری اؤیجوکلرینه منگزش «شرافا» آتلی بزگلر بیلن دولدوریبدئر. اؤسوملیک صوراتلی ناغیشلارینگ آراسینا خودایینگ آتلاری یازیلیبدئر.
عماراتینگ کئم طاراپیندان و هاچان غورلاندیغینی آیدیب بیلجک یازغیلار ییتیب گیدیبدیر. پشداغینگ یوزوندأکی خاطلاردان دینگه بیر نأچه حارب ساقلانیبدیر. بئنانینگ اولی غاپیسی بار، کیچیرأک دألیز بیلن اوتاغا گیریلیأر. دألیزینگ اوچ سانی غاپیسی بولوب، اؤنگدأکی اولی غاپی زییاراتخانا، ساغداقی یوقاری چیقیلیان کؤب اؤوروملی مردیوانا، چپدأکیبولسا غاراوولخانا آلیب باریار.
بئنانینگ بیله کی کؤب دورلی ناغیشلاری بیلن بیرلیکده گوممز آستی هم اونگات ناغیشلانیبدیر. بزه گرلر کؤب رنگکلی کاشین سرچالی، گئومتریک صوراتلی ناغیشلاردان عبارات. گؤنی و کسه چیزیقلار بیری..بیریندن گچیب، دؤرت، دوقوز واون بورچلی ییلدیزلاری عمله گتیریإر. گوممزینگ آی..آیدینگ گیجأنینگ ییلدیزلی آسمانینی یادینگا سالیان بزه گلری آسترونومیا علمینداقی اون ایکی بورچا منگزهیأر.
بورچلاری یادلادیان شکیللر اون ایکی جوبیت بولوب، عایال..غیزلارینگ گولیاقاسینا چالئم إدیأر. شول «گولیاقالارا» ساخیلیق بیلن کؤب زر چاییلیبدیر. اولارینگ هر بیرینینگ اورتاسیندا کأسأنینگ اولولیغیندا غاشی بولوبدیر.گوممزینگ غوشاغینداقی ۱۲ سانی و عماراتینگ گؤوره سیندأکی ۸ سانی پنجره لردن دوشیأن شؤله بو عمارتینگ ایچینی اورگنجینگ أهلی یادیگأرلیکلرینینگکیدن یاغتی إدیأر.
بوعماراتدا کرپیچ بیلن سئرچالی ناغیش بزه گلر سازلاشیب، بیری بیله کیسینینگ اوستونی دولدوریار. عماراتینگ دمیرغازیق طاراپیندان اوستی گوممزلی بؤله گی بولوبدیر و اول پشتاق بیلن تاماملانیبدیر. دمیرغازیقداقی پشتاق گونورتا طارابداقیدان برنه مه کیچی بولوبدیر. یر تیترمه گی ضرارلی اولی پشتاق سارساندا، کیچیسی اونونگ آغرامینا ییقیلان بولماغی مومکین دییب چاقلایانلار هم بار.
شاصنم:
کؤنه اورگنجینگ گونورتا..گونباتاریندا ۹۰ کیلومترلیکده یرلشیأن سوبورنا آتلی اورتا عاصئرلار شأهریدیر. اول گؤنوبورچلی بولمادیق، کؤب طارابلی، ۹ متر بییک بولان غوم دپه سیدیر. اوندا شأهرینگ باشیندان آیلانان دیوار غووی ساقلانیب غالیبدیر. اول حأضئر هم بو بیییگینگ داشینینگ خالقاسی یالی بولوب دور. آیری..آیری یرلرده اونونگ بییکلیگی ۱۵ متره چنلی یتیأر. بویرده بار لاغ ایشلرینی گچیرن پروفسورs.p.
تولستووینگ چاقلاماغینا گؤرأ، بو شأهرچه غادیم دؤوورلردن «میلادیدان اؤنکی ۴…..۳ نجی عاصئرلار»مونغول باسیبالیجیلیغینا چنلی یاشاماغینی دوام إتدیریبدیر، اونونگ مرکزی بؤله گینده خورزمشالار دؤورونه دگیشلی اولی متجیدینگ خارابالیغی بار. اونونگ دیوارلاری عاراب خاطینا یازیلان تکستلر بیلن بزه لیبدیر. شأهر دیواریندان داشاردا، ۲۰۰ مترگونورتا گونباتاریندا گینگ سییلگأه یرله شیبدیر. اونونگ داشیندان بولسا چیگ گرپیچدن اؤرولن دیوار آیلانیبدیر.
مونغوللارینگ یومران بو شأهرچه سینی ۱۴ نجی عاصئردا دیکلتمأگه سینانشیبدیرلار، یؤنه اونگا ینه تیمیرلنگینگ یؤریشلری پأسگل بریبدیر. شأهرینگ سوبورنا آدی سووونگ بورنی دیییلمه گی آنگلادیب، اونونگ سوواریلیان زونانینگ اینگ چتینده یرلشیأدیگینی گؤرکزیأر. بویرلردن ایلاتینگ گؤچوب گیتمه گی بیلن بو شأهرچه هم یاتدان چیقاریلیبدیر.
سونگلوغی بیلن سوبورنانینگ خارابالیقلارینی «بو یردأکی باشغا..دا کؤبسانلی یادیگأرلیکلر یالی» تورکمنلر شاصنم و غاریب حاقینداقی رووایاتلار بیلن باغلانیشدیریبدیرلار. پاراو: سردار شأهریندن ۲۵ کیلومترلیکده یرلشیأن اورتا عاصئرلار شأهرچه سیدیر. اول ایلکی باشدا خوراسان بیلن دهیستانینگ سرحدینده بئنا إدیلن غالا بولوبدیر.
سونگرا سلجوقلیلار دؤورونده ۳۵ هکتار میدانا یاییلان شأهر اؤورولیبدیر. یؤنه اونونگ غورلوشیقلارینیگ…………بئنالارینینگ دینگه ایکیسی ….داغینگ آلقیمینداقی غونامچیلیقدا غالدیریلان ۹…۱۱ نجی عاصئرلارا دگیشلی آرامگأه بیزینگ گونلریمیزه گلیب یتیبدیر.
اولارینگ بیرینه پاراوبی بی، بیله کیسینه پاراوآتا دیییلیأر. پاراوبی بینینگ بللی بیر بؤله گینی داغینگ غایاسینی یونماق آرقالی غوروبدیرلار. اونونگ ایچی ۷ متر بییکلیکلی اینه دؤردول اوتاغدیر. پاراوآتا آرامگأهی هم اینه دؤردول إساسینگ اوستوندن غالدیریلیبدیر. اول بیشن کرپیچدن اؤرولیبدیر، گیرلگه سی کشدلنیب، ایوان شکیللی إدیلیبدیر. بو بئنالارینگ ایکیسینده..ده خوراسان بئناگأرلیک دأبلری غایتالانیبدیر. سونگی
منبع نشریه سایران
www.ulkamiz.ir
