بیر موغاللئمئنگ یاتلاماسئ
پایگاه خبری اولکامیز- منینگ اولانیان بیر اوصولئم باردئ. اۇنونگ پیدالئدئغنا من شیله ائناناردئم.
ژورنالدان داشارئ، هر اۇقادیان صئنپئم اۆچین آیراتئن کاغئذ یؤردیأردیم. اۇندا اۇقادیان صئنپلارئمئنگ ساناوئ باردئ. ساپاق گچیأرکأم، اۇقووچئلارئنگ اۆنسۆنی اؤزۆمده ساقلاماق اۆچین، آراسئندا چم گلن بیر اۇقووچئنئ تورزوپ، سۇراغ بریأردیم.سۇراغئ بیلسه، هألکی کاغئذا شۇل اۇقووچئنئنگ آدئنئنگ دِنگِسینه بیر غۇشماق، بیلمسه-ده، آیئرماق غۇییاردئم.بیر نأچه گۆن گچندن سۇنگ بۇلسا،غۇشماقلارئ، آیئرماقلارئ،جملأپ،باها چئقاریاردئم. اۇل باهانام ژورنالا گچیریأردیم.
یریندن تورزان اۇقووچئم سۇراغئ بیلمسه،«باشغا کیم بیلیأر؟»دییپ سۇرایاردیم. اۇقووچئلارئ خاصام غئزئقلاندئرماق اۆچین«بیلنه ایکی غۇشماق غۇیجاق» دییپ، اؤزۆمچه آرتدئران هم بۇلیاردئم. الینی غالدئرئپ آیدان ایکینجی کیشم سۇراغئ بیلمسه،اۇنگا-دا آیئرماق غۇییاردئم. یؤنه الینی غالدئریان آزدئ.
بیر گۆن بیرینی توروزدئم، سۇراغئ بیلمهدی. منم غۇشماغئ آرتدئرئپ، توتوش صئنپدان سۇرادئم. ینه هیچ کیم الینی غالدئرمادئ.اؤکده حاساپ ادیأن بیر اۇقووچئم باردئ.
اۇندان:«سن نأمه الینگی غالدئرانگۇق، دۇغرئجۇغاپ بریپ،ایکی غۇشماق آلاسئنگ گلهنۇقمئ؟» دییپ سۇرادئم. اۇلام گؤونی بیر یالئ:«یۇق،گرک دأل»دییدی.
– نأمۆچین؟
– سبأبی، بیردن آیدانئم یالنگئش بۇلسا،آیئرماق آلیان.
اۇقووچئنئنگ برن جۇغابئ منی اۇیلاندئردئ. ایچیمدن اؤز اوصولئم یالنگئش بۇلایماسئن دییپ پیکیر اتدیم. اینگ اؤکده اۇقووچئ جۇغاپ برمأگه چکینیأن بۇلسا، بیلهکی اۇقووچئلاردان نأمأ غاراشجاق؟!اۇقووچئلارئمئنگ بو باراداقئ پیکیرینی بیلسیم گلدی.
شۇنونگ اۆچینم یانگقئ اۇقووچئدان سۇرادئم:
– بۇلیا اۇندا، سنگ اؤزۆنگ موغاللئم بۇلان بۇلسانگ نأدردینگ؟
اۇقووچئ بیرآز بؤورۆنی دینگلأپ دوردئ. چاقئ، اۇل بیله سۇراغ برِریمه غاراشمادئق بۇلاردئ.شۇنگام:
– من موغاللئم بۇلان بۇلسام،بیلنه غۇشماق غۇیاردئم،یؤنه بیلمهیأنه آیئرماق غۇیمازدئم. غۇی،بیلمهدیگینگکی بۇش دوروبرسین.
– سیزم شو پیکیردِمی؟ دییپ توتوش صئنپدان سۇرادئم.اۇلارام دیللشن یالئ «هۇووا-دا،هۇووا» بۇلوشدئلار.
– اۇندا، شو گۆندن سۇنگ، کیم بیلسه غۇشماق غۇیجاق، بیلمهدیگه-ده آیئرماق یۇق دییدیم.
چاغالار مونگا هزیل اتدیلر.«!yeees » دییپ غئغئریانئ هایسئ،چاپاق چالیانئ هایسئ! غاراض، دییسنگ بگندیلر.
شۇل گۆندن سۇنگ، هاچان سۇراغ برسم، اۇقووچئلارئنگ بارئسئ دییِن یالئ الینی غالدئریار.ساپاقلارئما جان گیرن یالئ بۇلدئ.
ترجیمه ادن: مکان آننابردییو
عاراب حاطا گچیرن: عبدی ماهری
www.ulkamiz.ir
