عبدالملک خرمالی ینگ یازغی لارینه سیئن

پایگاه خبری اولکامیز- عبدالمجید آرخی : کأده‌لر مندن، شاهیرلارئنگ – یازئجی لارینگ یازیان اثرلری بارادا – پیکریمی سُورایارلار. شوندا، من اؤلارئنگ اؤزلری وِ اثرلری حقده، پیکریمی آیدیان.

امّا هم یازیجی هم شاهیر بولان عبدالملک خرمالی – دان سُورانلارینده، اوزاق وقت، اُویا باتئپ اُوتوریان. نأمه آیدئپ نأمه دیجِگمی بیله مُوق.

سبأبی عبدالملک اؤز اثرلرینده، آغئر گؤن لرینگ، یاقئپ یاندئرئپ باریان یاغدای لارئنگ آخوالاتئندان پیام بریار. باشاردئغئندان غایتالانان زادلاری غایتالاماجاق بوُلیار.

باشارسا غایتالاب تکراری فکرلری یازماجاق بولیار یازیان زادلارنینگ ایچینده تأزه – تأزه، گؤریب – اشدیلمه دیک، آیدئنگ پیام گؤرینیار.  گؤونیمه بولماسا، عبدالملک خرمالی، واخ هیچ کیمینگ یازیب آیدمادئق اثرنی دؤره تسم دا دییأن یالی گؤرینیار. اوُل یؤنه بیر یازئجی بولائین – شاحیر بوُلائین دیب، اثر یازمایار. اوُل قلمینی اِلینه آلاندا، دؤنیأنگ شعورینه شعور غوُششاق بولوب، انسانینگ آنگی نا آنگ غوُششاق بوبلوب، اوُلارئنگ ادب – توبیه سینه، آدام کأرچی لیگینه، غوُشانت غوشیب، بشریتی، اشرف المخلوقاتی، بارمالی بِییگ مقامینا، یتملی بییگ درجه یتیرجک بولوب تلاش ادیار. شیله مقدس نیتی اوچین، شیله انسان پرور هدفی اوچین، عبدالملک خرمالی اؤزینی، قالیب دییه‌ن، چارچوب دییه‌ن زاد – دا باغلاب، اسیر ادیب غویمایار، اونینگ علّتی هم شاید زندان دان – اسارت دان ساغ – آمان وطانا اؤوریلیپ گلمگی دیر دیب پیگیر ادیان.

اول کؤپ قالیب لاری اُوی – پیگیریندن گچیرن، هایکونی تمرین ادن، و شوُنگ یالی قالیب لاری سیناب گؤره‌ن شاهیر. اونگا، طرح بولون، داستانک بولون یادا باشغا قالیب بولون پارخی یوق، اوُل دینگه بیر زاد اوچین پیگیر یؤره‌تیار: تأزه بیر اؤوره‌تجک بولیار. آدم زادینگ سوادی نینگ اوستنه سواد غوششاق بولیار. دؤشینجه‌سی نینگ اؤستنه، دؤشینجه غوششاق بولیار. هم دنیانی آوادنلاجاق بولیار و هم دنیادأکی آدم لاری آراسسا، آوادان پیکره ایه بولسون دیب پیام بریار. عبدالملک خرمالی دیییان آدم، پیام دیان زادی، قالیبا فدا ادمه‌یار. اوُل آزاد پیکرینگ عاشقی، اوُل اؤز قلمی بیلن شو دورموشدا بأش گؤن لیک دنیأنگ بولوپ دورشی فطردئغئنی آیدیب دوریار. آدم پاخیری عقلیندان آزاشیب باریایئنی گؤریب، دوروپ بیلمأن، یاغشی لیغا چاغئریار. اوُنگا سواد دییه‌ن زاد کفایت ادمه‌یار. سوادینگ یانیندان شعور گرک دیب بُلندگو بیلن غیغریان یالی، شایعرن شخصیتی بیلن آدم لاری آراسته یولا چاغریب یور. اول تأزه یؤل گؤرگریب یور.

شاهیر عبدالملک خرمالی، اوروش دییان زادینگ دشمنانی، یاراشیق دییان، صلح دییان زادینگ دوستی. شونونگ اوچین هم اونینگ یازیان اثرلری نی اوقانینگ دا، یوره‌گینگ آراستا اوریب، قانینگ دورلانیپ گیدیار. / ۲۴ مهر ۹۹

www.ulkamiz.ir